<tr><td>البارحة جاني مـن الحـب مرسـال
من عقب ما بينـي وبينـه خصيمـة<tr><td> <tr><td>وانا ترى في الحـب مانيـب فعّـال
ولا بعـد ولّـع بقلبـي هشيـمـه<tr><td> <tr><td>ولا بعد غنّيت فـي ساعـة وصـال
ولا بعد ذقـت الفـراق وجحيمـه<tr><td> <tr><td>ولا جرى دمعي على الخـد همّـال
ولابعـد جربـت مــرّ الهزيـمـة<tr><td> <tr><td>حتى وردنـي تالـي الليـل جـوال
وانا على شاهي وبسكـوت ديمـة<tr><td> <tr><td>الرقم بايخ لكـن الصـوت قتـال
كنه مثل صـوت المذيعـة *******<tr><td> <tr><td>قالت مساء الخير يـا طيّـب الفـال
قلـت ارحبـي ترحيبـةٍ مستديمـة<tr><td> <tr><td>بالعود والصفـري ودلـة وفنجـال
واجبك يا بنت الأصـول الكريمـة<tr><td> <tr><td>ردت بضحكة ثم قالت وش الحـال؟
قلت اشهد إن الحال عقبك سقيمـة<tr><td> <tr><td>قالت وهي تضحك بعد مثل الأطفال
وانـا بعـد كنـي بدونـك يتيمـة<tr><td> <tr><td>من يـوم قالتهـا تزلزلـت زلـزال
من فجعتي كنـي مسـوي جريمـة<tr><td> <tr><td>قلت ارفعي صوتك ترى مابه ارسال
كـذاب لكـنّ المصيبـة عظيمـة<tr><td> <tr><td>قالت أقول اسمع ترى هرجنـا طـال
ممكـن تصاحبنـي ترانـي وسيمـة<tr><td> <tr><td>واسمي الحقيقي أول حروفـه الـدال
لكـن يسمّونـي البنـات الزعيمـة<tr><td> <tr><td>صحيح أحب الفخفخة واعشق المال
لكـن ترانـي طاهـرة مستقيـمـة<tr><td> <tr><td>ما عندي امغازل ولا (لعب يهّـال)
ما عندي إلا في الشرف والحشيمـة<tr><td> <tr><td>بس الصراحة قلبي لشوفتـك مـال
واصبحت وحدك جالسٍ في صميمه<tr><td> <tr><td>فكّر بعقلك واترك القيـل والقـال
واحذر تطيع اهل العقـول العقيمـة<tr><td> <tr><td>وارسل علي الحين خمسميـة ريـال
أشحن بهـا جـوال أختـي غنيمـة<tr><td> <tr><td>أو طقم غالي فيه خاتـم وسلسـال
أروح بـه فـي عـرس ولاّ عزيمـة<tr><td> <tr><td>قلت الحقيقة مانيب رجـل أعمـال
ولانـي بتاجـر والمـوارد عديـمـة<tr><td> <tr><td>أنا الصراحة شبـه عطّـال بطّـال
وعلاقتـي بالفقـر جـداً حميـمـة<tr><td> <tr><td>والراتب الله يرحم الحـال مـا زال
محـدود والمصـروف ربـي عليمـه<tr><td> <tr><td>والدين بـالآلاف والبنـك شغّـال
ياكـل فلوسـي بالربـا والظليمـة<tr><td> <tr><td>والسوق طايح والغلا ضيّـق البـال
والموت والله صايـر اكبـر غنيمـة<tr><td> <tr><td>قالت تحمّل بـس والحمـل ينشـال
خلك شديد الباس صلـب العزيمـة<tr><td> <tr><td>ياخي تصرّف جعلك اتصيـر نشّـال
أهـم شـي إن النوايـا سليـمـة<tr><td> <tr><td>لابد تفهمني علـى كـل الأحـوال
ما دمت من أهل العقـول الفهيمـة<tr><td> <tr><td>قلت إيه والله فاهم اللي على البـال
لكن تـرى هـذي علينـا قديمـة<tr><td> <tr><td>يا بنت هـذا صايـر اليـوم مـوال
للي تبي تلعب علـى ابـن اللئيمـة<tr><td> <tr><td>يا بنت ما تدرين كـم فيـه محتـال
يلعب على الحبلين وانتـي غشيمـة<tr><td> <tr><td>يا بنت كم من جاهلة دمعها سـال
من عقب ما جات العواقب وخيمـة<tr><td> <tr><td>والبنت لا اقفى عرضها بيد الأنـذال
والله مـا يبقـى لهـا أي قيـمـة<tr><td> <tr><td>قالت تبي ولاّ فخلّك علـى جـال
مهوب ناقصـي نصايـح حكيمـة<tr><td> <tr><td>عز الله إنك للأسف منـت رجّـال
وانك قليل الذوق ما فيـك شيمـة<tr><td> <tr><td>يا لعنبو اللي مـا يسطّـرك بنعـال
حتـى يعلمـك الغـزل يـا بهيمـة<tr><td> ( تفو ) عليك وصكّت الخط في الحال
مدري ( تفو ) هي مدح ولاّ شتيمـة
|
الخميس فبراير 21, 2008 3:01 am
